Fremst opinberra fyrirtækja
Landsvirkjun hlaut viðurkenningu Sjálfbærniássins 2026 í flokki opinberra fyrirtækja. Þetta er þriðja árið í röð sem orkufyrirtæki þjóðarinnar fær þessa ánægjulegu viðurkenningu.
Sjálfbærniásinn metur viðhorf almennings til frammistöðu íslenskra fyrirtækja í sjálfbærni. Markmiðið er að láta fyrirtækjum í té samræmdar mælingar á viðhorfi til vörumerkja í tengslum við frammistöðu þeirra varðandi sjálfbærni. Rannsóknarfyrirtækið Prósent, ráðgjafafyrirtækið Langbrók og stjórnendafélagið Stjórnvísi standa að Sjálfbærniásnum.
Í ár fékk Landsvirkjun 68 stig af 100 mögulegum sem er tveimur stigum meira en í fyrra. Við enduðum í efsta sæti opinberra fyrirtækja og níunda sæti allra fyrirtækja sem mælingin náði til.
