3 x Francis hverflar knýja orkuvinnsluna.

Hrauneyjafossstöð er þriðja stærsta raforkuver landsins. Uppsett afl stöðvarinnar er 210 megavött og raforkuframleiðslan er 1.280 gígavattstundir á ári. Hún stendur við Sprengisandsleið í jaðri hálendisins, suðvestur af Sigöldustöð og nýtir því sömu vatnsmiðlunarmöguleika og Sigöldustöð. Hrauneyjafossstöð var tekin í notkun 1981. 

Miðlunarlón stöðvarinnar er Hrauneyjalón og er það 8,8 km2 að stærð. Það var myndað með því að stífla Tungnaá um 1,5 kílómetra ofan við Hrauneyjafoss. Um eins kílómetra langur aðrennslisskurður liggur frá lóninu í norður um lægð í Fossöldu að inntaki við norðurbrún öldunnar. Þaðan liggja þrjár stálpípur 272 metra niður hlíðina að stöðvarhúsi. Frárennslisskurður er rúmlega eins kílómetra langur og liggur út í Sporðöldukvísl sem síðan rennur í Tungnaá. 

Á vatnasviði Þjórsár og Tungnaár eru sjö vatnsaflsstöðvar Búðarhálsstöð, Búrfellsstöð, Búrfellsstöð II, Hrauneyjafossstöð, Sigöldustöð, Sultartangastöð og Vatnsfellsstöð. Þar er einnig vindmyllusvæði sem kallast Hafið. Samanlagt afl vatnsaflsstöðvanna er 1040 megavött. Vatni til miðlunar er safnað í uppistöðulónin Þórisvatn, Hágöngulón og Kvíslaveitu. Að auki eru minni miðlunarmannvirki við hverja stöð á svæðinu, svo sem Krókslón, Sultartangalón, Bjarnalón, Hrauneyjalón og Vatnsfellslón. 

Þórisvatn er stærsta stöðuvatn landsins, langstærsta miðlunin og mikilvægur hlekkur í veitukerfi Landsvirkjunar. Um Þórisvatn rennur allt vatn sem safnast saman í Kvíslarveitu og Hágöngumiðlun. 

Þórisvatnsmiðlun var byggð á árunum 1970-1972 í tengslum við virkjun Þjórsár við Búrfell. Áin Kaldakvísl var stífluð við Sauðafell og veitt um skurð inn í norðanvert Þórisvatn. Við útfall Þórisvatns norðanmegin er Þórisóssstífla sem veitir Köldukvísl inn í vatnið. 

Nýju útrennsli Þórisvatns var valinn staður við suðurenda vatnsins meðfram vesturhlíð Vatnsfells. Þar var grafinn veituskurður úr vatninu og steinsteypt lokuvirki byggt í skurðinum til að stjórna rennsli. Veitan er nefnd Vatnsfellsveita og um hana fer vatn úr Þórisvatni í gegnum Vatnsfellsvirkjun í Krókslón ofan Sigöldustöðvar og þaðan til annarra stöðva neðar á vatnasviðinu. 

Framkvæmdir við Kvíslaveitu hófust 1980 og var skipt í fimm áfanga sem lauk árið 1997. Kvíslaveita er samheiti á stíflum, skurðum, botnrásum og lokuvirkjum sem stjórna rennsli úr þverám og efsta hluta Þjórsár í Þórisvatnsmiðlun. Lónin í Kvíslaveitu eru fimm talsins, samtals um 28 km2 að stærð. 

Hágöngumiðlun var byggð 1997-1999 og er 37 km2 að stærð. Tilgangur hennar er að auka miðlun á vatnasviði Köldukvíslar. Á sumrin er vatni safnað í Hágöngulón og vegna þess rennur afar lítið vatn um Köldukvíslarfarveg að sumarlagi. 

Hrauneyjafossstöð var gangsett 21. október 1981 og er ein af sjö vatnsaflsstöðvunum okkar á Þjórsársvæðinu. Hún stendur við Sprengisandsleið í jaðri hálendis.

Verkfræðistofa Sigurðar Thoroddsen hf.
Harza Engineering Company International, Bandaríkjunum

Guðmundur Kr. Kristinsson
Gunnlaugur Halldórsson

Vatnasvið	4.272 km²
Meðalrennsli	155 m³/s
Virkjað rennsli	280 m³/s
Fallhæð	88 m
Afl Francis hverfla	3 x 70 MW
Aðrennslisskurður	1.000 m
Frárennslisskurður	1.100 m

Lengd	3.000 m
Hæð	15 m

Við lónhæð	425 m.y.s.
Flatarmál við fullt lón	8,8 km²
Miðlunarrými	33 Gl
Hönnun	Verkfræðistofa Sigurðar Thoroddsen hf. Harza Engineering Company International, Bandaríkjunum
Arkitektar	Guðmundur Kr. Kristinsson Gunnlaugur Halldórsson
Vélar og rafbúnaður	ASEA, Svíþjóð
Lokur og þrýstivatnspípur	Magrini Galileo, Ítalíu
Spennar	EFACEC, Portúgal
Helsti byggingaverktaki	Fossvirki

Fyrirtækið

Framkvæmdir

Orka

Umhverfi

Samfélag

Viðskipti

Fjármál

Ítarupplýsingar

Aðrar aflstöðvar

Búrfellsstöð II

Þeistareykjastöð

Búðarhálsstöð

Hafið

Fljótsdalsstöð

Vatnsfellsstöð

Sultartangastöð

Blöndustöð

Sigöldustöð